Descripción
O modelo Arnoia é un tributo, unha homenaxe á mítica Telecaster, unha icona do rock.
Coa idea de construíla en diferentes madeiras, esta primeira foi fabricada co corpo de piñeiro, o mastro de plátano (moi parecido ao pradairo) e o diapasón de pradairo.
Leva unha ponte tipo Telecaster, e posúe a ‘graza electrónica’ de que, en lugar de levar unha soa pastilla de mastro, leva dúas, de modo que combina tres pastillas ao estilo da Stratocaster pero con sons de Telecaster.
A este primeiro modelo aplicóuselle un acabado de aceite, pero en sucesivos modelos probaremos outro tipo de acabados en hidrocelulósica e hidrobarnices.
Incorpora un mastro de 25 polgadas con trastes jumbo e un ancho de cejilla de 43 milímetros. As pastillas son bobinadas a man por Albert Tokaa, cun son excelente. A ponte é Wilkinson.
É unha guitarra sinxela que, aínda que sabemos que é a enésima versión da Telecaster, pretendemos dotar dun toque Sabrafén.
